На Гомельшчыне знайшлі рэдкі грыб, якога не бачылі больш за 60 гадоў
Навукоўцы Інстытута эксперыментальнай батанікі імя Купрэвіча Нацыянальнай акадэміі навук Беларусі паведамілі пра рэдкую знаходку ў Жыткавіцкім раёне. У дубровах там знайшлі дубовы трутавік — грыб, які ў Беларусі не фіксаваўся з 1963 года.
Рэдкі від знайшлі падчас даследаванняў на тэрыторыі Найдзянскага ляснога ўчастка і Перароўскага лясніцтва нацыянальнага парку «Прыпяцкі». Спецыялісты заўважылі пладовае цела дубовага трутавіка, што стала першай афіцыйна зафіксаванай знаходкай гэтага віду за апошнія больш чым шэсць дзесяцігоддзяў.
Дубовы трутавік адносіцца да ксілатрофных грыбоў, якія развіваюцца на драўніне. Ён расце на жывых дубах, сухіх камлях і паваленых дрэвах. Грыб неядомы.
Такія віды адыгрываюць важную ролю ў экасістэме лесу, удзельнічаючы ў натуральным раскладанні драўніны і кругавароце пажыўных рэчываў.
Навукоўцы адзначаюць, што пладовыя целы дубовага трутавіка з'яўляюцца не кожны год. Таму нават калі грыбніца працягвае жыць унутры дрэва, сам грыб можа доўгі час заставацца незаўважаным.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары