Полацкі малочны камбінат прызналі банкрутам
Эканамічны суд Віцебскай вобласці прызнаў Полацкі малочны камбінат банкрутам і пастанавіў пачаць працэдуру яго ліквідацыі.
Здымак ілюстрацыйны
Незадоўга да гэтага вытворчыя актывы прадпрыемства перадалі ў кіраванне кампаніі «Савушкаў прадукт». Яна атрымала вытворчыя будынкі, абсталяванне і працоўны калектыў, якія плануецца выкарыстаць для мадэрнізацыі і аднаўлення былой буйной малочнай вытворчасці. Запазычанасці ж самога камбіната, як мяркуецца, застануцца на дзяржаве.
Справа аб банкруцтве была распачатая ў маі. За гэты час адбываўся прыём і разгляд патрабаванняў крэдытораў.
Паводле справаздачы антыкрызіснага кіраўніка, агульны аб'ём патрабаванняў крэдытораў склаў амаль 400 мільёнаў рублёў, тады як кошт маёмасці прадпрыемства ацэнены прыкладна ў 230 мільёнаў рублёў.