Мінскае метро з панядзелка пераходзіць на новы рэжым працы
З 24 жніўня Мінскі метрапалітэн пераходзіць на зімовы рэжым працы. Гэта азначае, што ў гадзіны найбольшай загрузкі цягнікі будуць хадзіць часцей.
Здымак ілюстрацыйны. Фота: «Наша Ніва»
На першай (Маскоўскай) і другой (Аўтазаводскай) лініях у ранішні час пік — з 7:00 да 9:00 — інтэрвал паміж цягнікамі складзе 2 хвіліны.
Увечары з 17:00 да 19:00 цягнікі будуць прыходзіць з інтэрвалам 2,5 хвіліны. Па пятніцах вячэрні час пік будзе працягвацца з 16:00 да 18:30.
На трэцяй (Зеленалужскай) лініі раніцай інтэрвал руху складзе 5 хвілін, а ўвечары — 7 хвілін.
Актуальны расклад пасажыры могуць паглядзець на інфармацыйных табло, размешчаных на станцыях метро.
Чытайце таксама:
Будаўнікі метро скончылі работы пад рэчышчам Свіслачы
Расіяніну, які п'яным пабіўся з ахоўнікамі мінскага метро, вынеслі прысуд
У мінскім метро з пачатку года зафіксавана 100 інцыдэнтаў з пасажырамі
На станцыі метро «Плошча Францішка Багушэвіча» закрыюць частку выхадаў
У вагонах мінскага метро з’явілася новая схема. Яна мае адну вялікую нязручнасць