У Мазыры запусцяць транспарт з поўным аўтапілотам
У Мазыры плануюць запусціць транспарт, які будзе працаваць з поўным аўтапілотам. Кіраванне транспартным сродкам, тармажэнне і нават адкрыццё дзвярэй возьме на сябе сістэма на аснове штучнага інтэлекту, паведамляе прэс-служба Гомельскага аблвыканкама.
Асноўная мэта праекта — падвысіць бяспеку руху і знізіць колькасць аварый. Кіроўца пры гэтым застанецца ў кабіне, але ягоная роля зменіцца: замест непасрэднага кіравання ён будзе кантраляваць працу сістэмы і пры неабходнасці падстрахоўваць яе, фактычна выконваючы функцыі «бортінжынера».
Мяркуецца, што поўная аўтаномнасць дазволіць звесці да мінімуму ўплыў чалавечага фактару, паменшыць рызыкі на дарозе і зрабіць рух транспарту больш прадказальным паводле раскладу.
Чытайце таксама:
На прыпынкавых павільёнах у Мінску дададуць новыя агароджы
У Мінску з'явіцца больш дарожных палос, даступных толькі грамадскаму транспарту і электракарам
Зменяцца правілы працы кантралёраў у грамадскім транспарце
Мінскія ўлады патлумачылі, чаму не называюць дакладныя даты адкрыцця новых станцый метро