Грамадства44

Мінскія ўлады патлумачылі, чаму не называюць дакладныя даты адкрыцця новых станцый метро

Дакладную дату адкрыцця новых станцый трэцяй лініі Мінскага метрапалітэна пакуль не называюць. Прычына гэтага, як сцвярджае ў эфіры праграмы «Лицом к лицу» на тэлеканале АНТ старшыня Мінгарсавета Арцём Цуран, не ў недахопе рабочых.

Здымак ілюстрацыйны. Фота: Lookby.media

Асноўная праблема, па словах чыноўніка, звязаная са складанымі грунтамі і высокім узроўнем грунтовых вод, якія патрабуюць дадатковай інжынернай падрыхтоўкі.

Таму Арцём Цуран заявіў, што станцыі адкрыюцца ў агляднай перспектыве, аднак называць канкрэтны дзень пакуль заўчасна.

Будаўніцтва трох станцый Зеленалужскай лініі працягваецца. На асобных участках цяпер праводзяць складаныя работы для паніжэння ўзроўню грунтовых вод. Грунты пад зямлёй цяжкія і насычаныя вадой, таму без адпаведнай падрыхтоўкі бяспечна пракласці тунэлі немагчыма.

Разам з тым тэмпы будаўніцтва атрымалася павялічыць у два разы дзякуючы змене тэхналогіі пракладкі тунэляў. Раней спачатку будавалі адзін тунэль, пасля чаго тунэлепраходчы комплекс разварочвалі і пракладалі другі ў адваротным кірунку. Цяпер абодва тунэлі будуюць адначасова.

Паралельна ўжо пачалася падрыхтоўка да наступнага этапу развіцця сталічнага метро — чацвёртай, або кальцавой лініі. Паводле цяперашніх планаў, новая лінія пройдзе ўздоўж другога транспартнага кальца Мінска.

Усю кальцавую лінію адразу будаваць не будуць — яе падзеляць на некалькі этапаў. На першым участку плануюць пабудаваць тры станцыі. Адна з іх стане буйным перасадачным вузлом на скрыжаванні з праспектам Пераможцаў. Гарадскія ўлады разлічваюць, што і гэты ўчастак будзе рэалізаваны ў агляднай перспектыве.

Адначасова ў Мінску працягваецца будаўніцтва буйной транспартнай развязкі паміж мікрараёнамі Лебядзіны і Каменная Горка. Яна павінна злучыць Фрунзенскі і Цэнтральны раёны. Адкрыць рух па новай развязцы плануюць ужо ў найбліжэйшыя месяцы.

Работы там вядуцца кругласутачна, у тым ліку ноччу і ў выхадныя. Пасля заканчэння гэтай развязкі дарожнікі плануюць увесці ў эксплуатацыю яшчэ два буйныя транспартныя вузлы ў Кастрычніцкім, Ленінскім і Маскоўскім раёнах. Паводле планаў, яны павінны замкнуць другое транспартнае кола і часткова пераразмеркаваць транспартны паток, які цяпер ідзе па МКАД.

Каментары4

  • Чырвоная стужка
    16.09.2026
    7 лістапада.
  • Тэрмін
    16.09.2026
    Татука пограб збудуу́ і тое па вясне вада у́ ём стаіць, а гэта цэлая падземка на кілямэтры...
  • Менск
    16.09.2026
    І правільна робяць, як будзе свет у канцы тунэля, тады і даты адкрыцця можна у́ СМІ даваць...

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць52

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць52

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць