У Польшчы затрымалі двух кантрабандыстаў наркотыкаў з Беларусі. Ім пагражае да 30 гадоў зняволення
У Польшчы затрымалі двух грамадзян Беларусі, якіх падазраюць у кантрабандзе наркотыкаў. Суд у горадзе Яленя-Гура, што ў Ніжнесілезскім ваяводстве, па хадайніцтве акруговай пракуратуры прыняў рашэнне ўзяць іх пад варту.
Здымак ілюстрацыйны. Фота: «Наша Ніва»
Падазраваныя — 23‑гадовы беларус і 24‑гадовая беларуска. Абодвух затрымалі падчас увозу наркотыкаў у Польшчу.
Ім выставілі абвінавачанні, у тым ліку паводле артыкула 55, часткі 3 польскага Закона аб супрацьдзеянні наркаманіі, які тычыцца незаконнага абароту значнай колькасці наркатычных рэчываў.
За гэта злачынства польскае заканадаўства прадугледжвае пакаранне ў выглядзе пазбаўлення волі на тэрмін ад трох да 30 гадоў.
Чытайце таксама:
Папулярнага рэпера Navai затрымалі пры ўездзе ў Казахстан з наркотыкамі
У Мінску затрымалі наркакур'ера са спайсам, пра які не чулі ўжо гадоў дзесяць
Кубракоў заявіў, што наркадылеры перакідваюць наркотыкі з Польшчы ў Беларусь з дапамогай метэазондаў