Расійскага рэпера Navai (Наваі Бакірава) затрымалі 13 кастрычніка на казахстанскім памежным пункце «Кардай» на мяжы з Кыргызстанам пры ўездзе ў краіну. Яго падазраюць у спробе кантрабанды наркотыкаў. Пасля затрымання артыста змясцілі ў ізалятар часовага ўтрымання, піша Kazinform.
Паводле звестак паліцыі, падчас праверкі аўтамабіля, у якім ехаў музыка, знайшлі і канфіскавалі наркатычнае рэчыва. Якое менавіта рэчыва і ў якой колькасці перавозіў рэпер, сілавікі не паведамляюць.
Заведзеная крымінальная справа па падазрэнні ў замаху на кантрабанду наркотыкаў. Праводзіцца дасудовае расследаванне. Іншыя падрабязнасці паліцыя не раскрывае, спасылаючыся на артыкул 201 Крымінальна-працэсуальнага кодэкса Казахстана.
Наваі Бакіраў атрымаў вядомасць як удзельнік расійскага музычнага дуэта HammAli & Navai, а таксама як сольны выканаўца. Сярод яго папулярных песень — «Пусціце мяне на танцпол», «Хованкі» і «Дзяўчынка-вайна».
У маі 2026 года рэпер трапіў у аварыю ў цэнтры Масквы. Чорны Ferrari без нумарных знакаў, у якім ён знаходзіўся, урэзаўся ў святлафор на бульвары. Ніхто не пацярпеў, а пасля апытання музыканта адпусцілі.
Наркагандляр застрэліў пад Купянскам шасцярых расійскіх вайскоўцаў
Бацьку і сына Кабарчукоў, асуджаных у Беларусі за «тэрарызм», збіраюцца судзіць і ва Украіне
У Мінску затрымалі наркакур'ера са спайсам, пра які не чулі ўжо гадоў дзесяць
Рэпер Пі Дзідзі купіў сабе раскошнае жыццё ў турме: прыслуга з вязняў, каньяк ад аховы і прагляд фільмаў пра ўласнае падзенне
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары