Падчас фестывалю Pradmova ў Празе будзе працаваць выстава малюнкаў палітвязняў

З 30 кастрычніка па 1 лістапада любы ахвотны зможа наведаць выставу «Пачуцці: малюнкі палітвязняў з Беларусі» у межах фестывалю інтэлектуальнай кнігі Pradmova ў Празе, піша «Вясна».

Экспазіцыя малюнкаў уздымае складаныя і важныя пытанні чалавечай годнасці, грамадзянскай адказнасці і сілы творчасці ва ўмовах поўнай ізаляцыі, магчымасць данесці пачуцці, якія немагчыма перадаць словамі.

На выставе будзе прадстаўленая невялікая частка малюнкаў палітвязняў, беражліва захаваных іх роднымі, сябрамі і праваабаронцамі. Цяпер палітычным зняволеным забараняюць адпраўляць малюнкі з месцаў зняволення, а многія работы спецыяльна знішчаюцца супрацоўнікамі турмаў.

Поўная праграма фестывалю Pradmova ў Празе — тут. 

Адрас мерапрыемства: U Lužického semináře 13, Praha 1.

Уваход на ўсе імпрэзы вольны.

Каментары да артыкула