П’яны мінчук пашкодзіў аўтамабіль і пабіўся з яго ўладальнікам
На спецлінію 102 патэлефанаваў 36‑гадовы мінчук і паведаміў, што невядомы залез на дах яго аўтамабіля і пачаў псаваць машыну, паведамляе ГУУС Мінскага аблвыканкама.
Скрыншот з відэа
Міліцыянеры выехалі на месца і затрымалі 34‑гадовага мантажніка аднаго са сталічных прадпрыемстваў.
Высветлілася, што мужчына быў п’яны. У нейкі момант ён залез на прыпаркаваны аўтамабіль і пачаў яго псаваць.
Уладальнік машыны пачуў сігналізацыю, выглянуў у акно і ўбачыў незнаёмца на даху свайго аўтамабіля. Ён выйшаў на вуліцу і зрабіў мужчыну заўвагу, але той не адрэагаваў і працягнуў псаваць транспартны сродак. Слоўная сварка хутка перарасла ў бойку.
Затрыманы не змог растлумачыць матывы сваіх паводзін.
Супраць яго распачалі крымінальную справу за хуліганства. Акрамя таго, мужчыну давядзецца кампенсаваць нанесеную шкоду.
Чытайце таксама:
Мінчук пайшоў уладкоўвацца на працу, а там яму прымроіўся пажар
У Маладзечне месціч страляў з пнеўматычнага пісталета па вокнах дома