Выставілі на аўкцыён гатэль у Глыбокім
У горадзе Глыбокае з аўкцыёну прадаюць гатэль. Будынак выставілі на продаж на электроннай пляцоўцы Беларускай універсальнай таварнай біржы, піша Blizko.by.
Гатэль у Глыбокім
Гатэль у Глыбокім пабудавалі ў 1963 годзе. Яго плошча складае 760 квадратных метраў. Будынак мае жалезабетонны падмурак, жалезабетонныя і драўляныя перакрыцці, а дах пакрыты металачарапіцай.
Пераможца аўкцыёну будзе абавязаны зноў адкрыць у будынку гатэль або матэль і працаваць не менш за тры гады з дня заключэння дамовы куплі-продажу.
Пачатковы кошт лота складае 900 522 рублі. Крок аўкцыёну — 5%. Акрамя таго, пераможца павінен заплаціць 150 рублёў за арганізацыю таргоў. Такім чынам, мінімальны кошт набыцця з улікам гэтых выдаткаў складзе 945 698 рублёў, або прыкладна 321 338 даляраў паводле актуальнага курсу Нацбанка Беларусі.
Аўкцыён прызначаны на 30 кастрычніка, пачатак — у 11:00.
Глыбокае вядомае як вішнёвая сталіца Беларусі. Штогод тут праводзяць «Вішнёвы фестываль», які сёлета адбыўся 24—25 ліпеня.
Чытайце таксама:
Са скандальнага забудоўшчыка Волаха хочуць спагнаць амаль 5 мільёнаў. Калі ўдасца да яго дацягнуцца
У Гродне зноў спрабуюць прадаць гатэль «Гродна». Цана ўсё ніжэйшая
Закінутую прыбіральню на беразе Драздоў прадалі за кошт двухпакаёвай кватэры ў Мінску