У Польшчы людзі выклікалі паліцыю на «чорнага чалавека» ў падвале. Аказалася, што сапраўды чорны, але бабёр
У польскай вёсцы Кшэмень-Першы ў Люблінскім ваяводстве адбылася незвычайная сітуацыя. Мясцовыя жыхары выклікалі пажарнікаў і паліцыю, заявіўшы, што ў адным з падвалаў хаваецца «чорны чалавек», паведамляе TVP.
Фота: facebook.com/osp.krzemien.9
На месцы, аднак, высветлілася, што таямнічым няпрошаным госцем быў бабёр. Паводле інфармацыі добраахвотнай пажарнай службы Кшэменя-Першага, жывёла знаходзілася ў гаспадарчым памяшканні.
Фота: facebook.com/osp.krzemien.9
Бабёр не пацярпеў і не супраціўляўся. Яго бяспечна вывелі і вярнулі ў натуральнае асяроддзе пражывання.
Фота: facebook.com/osp.krzemien.9
Чорны бабёр — рэдкая колеравая разнавіднасць еўрапейскага бабра (Castor fiber), поўсць якога звычайна мае карычневы, каштанавы або шаравата-карычневы колер. Такія жывёлы ўсё часцей з’яўляюцца паблізу чалавечых паселішчаў.
Чытайце таксама:
Чаму ў Мінску ўсё часцей можна сустрэць дзікіх жывёл?
У Ашмянах бабёр перайшоў дарогу строга па пешаходным пераходзе ВІДЭА
Каля Стэлы ў Мінску заўважылі бабра ФОТЫ
Бабёр трапіў пад цягнік на вачах школьнікаў у Германіі. Для яго ратавання затрымалі дзевяць цягнікоў