Бабёр трапіў пад цягнік на вачах школьнікаў у Германіі. Для яго ратавання затрымалі дзевяць цягнікоў
Потым высветлілася, што гэта бабрыха, яе назвалі Барбарай. У яе добрыя шанцы на выздараўленне.
На чыгуначнай станцыі Цюркенфельд некалькі вучняў 6—8 класаў сталі сведкамі таго, як цягнік адсек бабру частку хваста. Параненая жывёла засталася на рэйках, а школьнікі былі настолькі ўсхваляваныя, што збіраліся самі спусціцца туды, каб выратаваць бабра, піша тэлеграм-канал «Што там у немцаў» са спасылкай на федэральную паліцыю.
На месца прыбылі праваахоўнікі і перакрылі чыгуначныя шляхі, гэта выклікала затрымкі дзевяці цягнікоў. Паліцэйскія вынеслі параненую жывёлу з небяспечнай зоны і перадалі яе ветэрынару, які даставіў грызуна ў цэнтр выратавання жывёл.
Там высветлілася, што гэта бабрыха, яе назвалі Барбарай. У яе добрыя шанцы на выздараўленне.
Дырэктар школы, які прыбыў на станцыю, арганізаваў псіхалагічную дапамогу для вучняў.
Ветэрынар прапанаваў пазней арганізаваць для іх экскурсію ў цэнтр выратавання, каб яны маглі сачыць за выздараўленнем Барбары.
Калі яна ачуняе, яе выпусцяць у Францыі — там больш тэрыторый, прыдатных для яе жыцця, адзначае паліцыя.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары
В рнпц психического здоровья - обращайтесь!