Беларуска паспрабавала выгадна набыць юані, але прагарэла
Жыхарка Мар’інай Горкі страціла больш за 1600 рублёў, калі паспрабавала выгадна абмяняць валюту праз месенджар, паведамляе УУС Мінскага аблвыканкама.
Здымак ілюстрацыйны. Фота: АР / Кін Чэнг
Жанчына вырашыла абмяняць грошы па-за банкам, бо прапанаваны курс здаваўся ёй больш прывабным.
У тэматычнай групе ў Telegram яна знайшла карыстальніка, які прапаноўваў абмяняць рублі на кітайскія юані. Паводле дамоўленасці, жанчына павінна была перавесці яму ўсю суму, а ўзамен атрымаць юані на сваю банкаўскую картку.
Аднак пасля пераводу грошай на пазначаную картку меркаваны валютчык знік і перастаў выходзіць на сувязь.
Следчыя распачалі крымінальную справу за махлярства.
Чытайце таксама:
Махляры нагрэлі двух мужчын на 101 чырвонай ружы
20‑гадовая дзяўчына ўзяла адпачынак за свой кошт і стала кур'ерам тэлефонных махляроў