20‑гадовая дзяўчына ўзяла адпачынак за свой кошт і стала кур'ерам тэлефонных махляроў
Дзяўчына забірала грошы ў падманутых жыхароў сталіцы і Мінскага раёна, думаючы, што дапамагае сілавікам.
Спачатку жыхарцы Брэсцкай вобласці патэлефанавалі нібыта з дамафоннай службы і пад выглядам афармлення дакументаў атрымалі яе асабістыя звесткі.
Іншыя зламыснікі запалохалі дзяўчыну, заявіўшы, што махляры ад яе імя садзейнічаюць тэрарызму, і прыгразілі крымінальнай адказнасцю. У якасці выйсця з сітуацыі ёй прапанавалі стаць «пазаштатнай супрацоўніцай КДК» і даслалі дакументы, якія яна падпісала.
Для выканання першага задання дзяўчына паехала ў Мінск, узяўшы на працы адпачынак за свой кошт. У сталіцы яна забрала восем перадач ад пацярпелых, а затым некалькі разоў выязджала за мяжу, каб перадаць наяўныя грошы памагатым махляроў.
Дзякуючы дзеянням супрацоўнікаў міліцыі ўдалося выратаваць больш за 160 тысяч рублёў, якія вернуць пацярпелым.
У Мінску дзяўчыну затрымалі.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары