Каля беларускай аўтатрасы заўважылі мядзведзя на дрэве ВІДЭА
У Беларусі каля аўтамабільнай трасы заўважылі маладога мядзведзя, які ўзбіраўся на дрэва. Відэа з жывёлай з’явілася ў TikTok і ўжо сабрала больш за 224 тысячы праглядаў.
Скрыншот з відэа
Аўтарка роліка расказала, што ўбачыла мядзведзя выпадкова, калі праязджала міма. Дзе менавіта адбылася сустрэча з дзікай жывёлай, яна не ўдакладніла.
У каментарах карыстальнікі жартавалі і адначасова хваляваліся, ці зможа мядзведзь бяспечна спусціцца з дрэва і ці вытрымае яно яго.
Зрэшты, асаблівых падстаў хвалявацца няма. Маладыя мядзведзі важаць менш за дарослых асобін, а гнуткі ствол дрэва можа прагінацца пад іх вагой, размяркоўваючы нагрузку.
Чытайце таксама:
На полі пад Мядзелам людзі сустрэлі вялікага мядзведзя ВІДЭА
Бацьку расійскага хакеіста НХЛ задзёр мядзведзь
За апошнія 14 гадоў мядзведзяў у Беларусі стала ў 10 разоў больш
Мядзведзяў у Беларусі становіцца ўсё болей — вось у якіх раёнах найперш