У Мядзельскім раёне людзі сустрэлі вялікага мядзведзя ў адкрытым полі каля трасы Свір — Занарач. Відэа нечаканай сустрэчы апублікавалі ў тыктоку. Ролік набраў больш за 270 тысяч праглядаў і амаль 300 каментароў.
На кадрах відаць, як мядзведзь спакойна ходзіць па полі, бегае, а потым спыняецца і падымаецца на заднія лапы. У нейкі момант ён зноў бяжыць паралельна аўтамабілю, які рухаецца па трасе, пасля чаго зноў спыняецца. Здавалася, што звер зусім не спалохаўся прысутнасці людзей.
Трасса Свирь-Занарочь
Паводле аўтара відэа, мядзведзя заўважылі за паваротам на вёску Буйкі, прыкладна за тры кіламетры далей па трасе. Сустрэча адбылася недалёка ад вёскі Яневічы Занарацкага сельсавета.
Памеры звера ўразілі людзей у аўтамабілі. У нейкі момант адзін з пасажыраў выйшаў на ўзбочыну, калі мядзведзь знаходзіўся на адлегласці, але набліжацца да яго не стаў.
Аўтар роліка расказаў, што ў той дзень яны з сябрамі ехалі сустрэць чалавека, які ішоў ім насустрач пешшу па трасе.
«Не ведаю, чым бы ўсё скончылася пры сустрэчы сябра з мядзведзем», — адзначыў ён.
На вока мужчына ацаніў вагу звера як мінімум у 300 кілаграмаў. Паводле яго слоў, мядзведзь быў надзвычай вялікі, а яго поўсць блішчала.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
не хапае "пабач якое быдла, мядзьведь кррва!")