Хакейнае «Дынама» закрыла сваё кафэ ў мінскім гандлёвым цэнтры
Кафэ «Фандом», якое належала хакейнаму клубу «Дынама», спыніла працу 9 лістапада. Яно працавала ў мінскім гандлёва-забаўляльным цэнтры ArenaCity 10 гадоў, піша Blizko.by.
Фота: sports.ru
Установу адкрылі ў 2015 годзе, і 20 лістапада яна магла б адзначыць адзінаццатую гадавіну. Кафэ прымала звычайных наведнікаў, але перадусім было месцам збору заўзятараў мінскага «Дынама» і пляцоўкай для клубных мерапрыемстваў.
Паводле інфармацыі крыніц, знаёмых са справамі клуба, «Фандом» не прыносіў «Дынама» прыбытку. Магчыма, гэта і стала прычынай закрыцця. У самім кафэ падрабязнасцяў не паведамілі.
Чытайце таксама:
Пайшла ў банкруцтва сетка кулінарных крам «Уха из петуха»
У «Мінск-Свеце» будзе яшчэ адзін вялікі гандлёвы цэнтр. Вось як ён выглядае ўсярэдзіне
Заснавальнік вядомага мінскага бара «Карма» адкрыў ужо трэцюю ўстанову ў Варшаве. Што за яна?