У Крамлі пракаментавалі вынікі сустрэчы з амерыканскімі перамоўнікамі

У Крамлі пракаментавалі вынікі сустрэчы Уладзіміра Пуціна з амерыканскімі прадстаўнікамі Стывам Уіткафам і Джарэдам Кушнерам. Ад расійскага боку выступіў памочнік прэзідэнта Расіі Юрый Ушакоў.

Юрый Ушакоў. Фота: AP Photo / Pavel Bednyakov, Pool

Юрый Ушакоў заявіў, што размова была «змястоўнай, канструктыўнай, адкрытай і карыснай, як, зрэшты, і ўсе папярэднія гутаркі».

Паводле яго слоў, амерыканскія перамоўнікі актыўна падтрымалі прапанову Пуціна правесці гуманітарную аперацыю ў Канстанцінаўцы ў Данецкай вобласці.

Акрамя таго, цяпер узгадняюцца параметры «самага маштабнага» абмену ваеннапалоннымі.

Ушакоў таксама паведаміў, што Расія гатовая неадкладна пачаць сумеснае з ЗША абмеркаванне прапаноў па еўрапейскай бяспецы. Паводле яго слоў, у Масквы ёсць на гэты конт «свежыя меркаванні».

Таксама памочнік Пуціна заявіў, што ў Крамлі разлічваюць на тое, што Уіткаф і Кушнер перададуць прэзідэнту Украіны Уладзіміру Зяленскаму «сігналы», атрыманыя падчас сустрэчы з Пуціным.

Каментары да артыкула