БЕЛ Ł РУС

18‑гадовы аргенцінскі футбаліст памёр пасля прылёту мяча ў галаву

16.11.2026 / 23:27

Nashaniva.com

18‑гадовы аргенцінскі футбаліст Абель Нуньес памёр пасля няшчаснага выпадку падчас матча моладзевых каманд «Эсейса» і «Дэпартыва Муньіс», піша «Трыбуна».

Абель Нуньес

Інцыдэнт адбыўся 12 лістапада. Падчас гульні Нуньес атрымаў моцны ўдар мячом у галаву. Яму аказалі першую медыцынскую дапамогу на месцы, а затым даставілі ў бальніцу. Матч спынілі.

У бальніцы футбалісту зрабілі аперацыю, але выратаваць яго не ўдалося. 15 лістапада клуб «Эсейса» афіцыйна паведаміў пра яго смерць.

У заяве клуба гаворыцца, што гэта самая цяжкая навіна ў яго гісторыі. Каманда развіталася з маладым гульцом, у якога было ўсё жыццё наперадзе, і выказала спачуванні яго сям'і, сябрам і таварышам з каманды. У клубе адзначылі, што ў гэты дзень футбол адышоў на другі план, а Нуньес назаўсёды застанецца часткай іх сям'і.

Чытайце таксама:

Экс-зорка зборнай Англіі Уэйн Руні здымецца ў рэаліці-шоу на выжыванне ў аўстралійскіх джунглях

Сына Крышціяну Раналду ўпершыню запрасілі ў юнацкую зборную Партугаліі

Трагедыя ў іспанскім чэмпіянаце: гулец памёр у выніку сутыкнення з галкіперам

Уладальнікам «Залатога мяча» 2026 года стаў Гары Кейн

Каментары да артыкула