У лонданскім тэатры «Паладыум» адбылася цырымонія ўручэння найпрэстыжнейшай футбольнай прэміі «Залаты мяч» (Ballon d’Or).
Найлепшым футбалістам сёлета прызналі капітана зборнай Англіі Гары Кейна, які за мінулы сезон забіў 12 галоў за нацыянальную каманду і 61 гол за мюнхенскую «Баварыю».
Англійскія футбалісты не атрымлівалі «Залаты мяч» на працягу апошніх 25 гадоў пасля таго, як лаўрэатам 2001 года стаў Майкл Оўэн.
Сярод жанчын найлепшай стала нападаючая зборнай Іспаніі Алексія Путэльяс. У складзе «Барселоны» яна ў гэтым сезоне выйграла чэмпіянат Іспаніі, Лігу чэмпіёнаў УЕФА, Кубак Іспаніі і Суперкубак краіны. Для Путэльяс гэта ўжо трэці «Залаты мяч» у кар’еры.
Трэці раз узнагароду найлепшаму маладому футбалісту атрымаў 19‑гадовы нападнік «Барселоны» Ламін Ямаль, які гэтым летам стаў чэмпіёнам свету ў складзе зборнай Іспаніі. У жаночай катэгорыі другі год запар прыз дасталася Вікі Лопес — нападаючай «Барселоны» і нацыянальнай зборнай Іспаніі.
Найлепшымі трэнерамі мужчынскіх і жаночых каманд журы назвала Луісa дэ ла Фуэнтэ, які ўзначальвае зборную Іспаніі, і Перэ Рамэу, трэнера жаночай каманды «Барселоны». У жаночым футболе клубам года таксама прызналі «Барселону», а сярод мужчынскіх каманд перамог французскі «Пары-сэн-Жэрмэн».
Юбілейная цырымонія ўпершыню прайшла ў Лондане, а не ў Парыжы. Такім чынам арганізатары ўшанавалі памяць першага ўладальніка «Залатога мяча» — англічаніна Стэнлі Мэцьюза, які атрымаў гэтую ўзнагароду ў 1956 годзе. Узнагароду Гары Кейну ўручыў славуты ў 1990‑я і нулявыя гады бразілец Раналда.
Дарэчы, за некалькі гадзін да цырымоніі на афіцыйным сайце «Залатога мяча» з’явілася паведамленне, што ўзнагароду найлепшаму футбалісту атрымаў Гары Кейн. Пазней журналісты знайшлі там падобныя публікацыі з імёнамі іншых прэтэндэнтаў — Ламіна Ямаля і француза Кіліяна Мбапэ з мадрыдскага «Рэала». Прадстаўнік прэміі патлумачыў, што гэта былі загадзя падрыхтаваныя тэксты пра ўсіх галоўных фаварытаў.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
А сапляк Ямаль яшчэ пачакае, не дарос