БЕЛ Ł РУС

У Беларусі паскорыўся рост ВУП

17.11.2026 / 21:24

Nashaniva.com

За першыя дзесяць месяцаў 2026 года валавы ўнутраны прадукт Беларусі сённяшнімі цэнамі склаў 269,9 мільярда рублёў. У супастаўных цэнах эканоміка вырасла на 2,1% у параўнанні з аналагічным перыядам 2025 года. Такія звесткі апублікаваў Белстат.

Здымак ілюстрацыйны. Фота: Lookby.media

Рост беларускай эканомікі крыху паскорыўся. На працягу двух папярэдніх месяцаў ён трымаўся на ўзроўні 2%, а за сем месяцаў таксама складаў 2,1%. Цяпер, паводле Белстата, тэмп росту ВУП дасягнуў найвышэйшага значэння за бягучы год.

Індэкс-дэфлятар ВУП за студзень — кастрычнік 2026 года ў параўнанні з тым жа перыядам мінулага года склаў 111,8%.

Сярод асноўных фактараў росту беларускай эканомікі аналітыкі Еўразійскага банка развіцця называлі гандаль і транспартныя паслугі.

Раней Міжнародны валютны фонд палепшыў прагноз росту беларускай эканомікі на 2026 год да 1,9%. Еўразійскі фонд стабілізацыі і развіцця павысіў сваю ацэнку з 1,3% да 2%.

Пры гэтым устаноўлены ўрадам мэтавы паказчык на 2026 год прадугледжвае рост ВУП на 2,8%.

Чытайце таксама:

Беларуская прамысловая вытворчасць у кастрычніку знізілася

Сярэдні заробак за верасень упаў ніжэй за $900 чыстымі

Якіх імпартных тавараў у беларускіх крамах найбольш, а якіх няма зусім?

Белстат апублікаваў статыстычныя партрэты беларускіх бацькі і маці

Каментары да артыкула