БЕЛ Ł РУС

У Брэсце будуць будаваць новы жылы квартал

18.11.2026 / 18:10

Nashaniva.com

У паўднёвай частцы Брэста плануюць пабудаваць новы жылы квартал на ўчастку плошчай амаль тры гектары. Праект вынеслі на грамадскае абмеркаванне, падчас якога жыхары горада змогуць выказаць свае заўвагі і прапановы.

Фота: Брэсцкі гарвыканкам

Тэрыторыя размешчаная ў Маскоўскім раёне, каля вуліц Паўла Івашуціна і Барыса Маслава. Тут плануюць узвесці чатыры шматпавярховыя дамы вышынёй ад 7 да 11 паверхаў. Усяго ў іх прадугледжана 387 кватэр.

Квартал хочуць арганізаваць як спакойную дваровую прастору з дзіцячымі і спартыўнымі пляцоўкамі, велапаркоўкамі каля кожнага дома і месцам для выгулу сабак. Па перыметры тэрыторыі прадугледжаны двухбаковы праезд, уздоўж якога размесцяць 332 парковачныя месцы і пляцоўкі для збору смецця. Складскі будынак на гэтым пляцы плануюць зруйнаваць.

Грамадскае абмеркаванне будзе доўжыцца з 23 лістапада да 7 снежня. У гэты час свае заўвагі і прапановы можна будзе даслаць на электронную пошту gradgik@city-brest.gov.by або пакінуць у спецыяльным журнале падчас наведвання выставы праекта.

Азнаёміцца з матэрыяламі можна будзе ў будынку гарвыканкама на вуліцы Энгельса, 3, у працоўныя дні з 8:30 да 17:30, а таксама на сайце гарадской адміністрацыі.

Прэзентацыя праекта адбудзецца там жа 30 лістапада 2026 года а 17:00.

Чытайце таксама:

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных

У Мінску пачалі будаваць Казахстанскі квартал

На беразе Камсамольскага возера нарэшце завяршаюць 15‑гадовы даўгабуд. Ужо ідзе запіс на закрыты старт продажаў

У Мінску пачалі будаваць новы жылы квартал

Каментары да артыкула