БЕЛ Ł РУС

«Белтэлекам» зноў аб'явіў пра павышэнне сваіх тарыфаў

20.11.2026 / 16:47

Nashaniva.com

«Белтэлекам» усё ж павысіць кошт сваіх паслуг, нягледзячы на нядаўнюю адмену раней анансаванага падаражання. Новыя тарыфы пачнуць дзейнічаць з 29 лістапада 2026 года і закрануць як прыватных кліентаў, так і юрыдычных асоб.

Фота ілюстрацыйнае

Першапачаткова кампанія планавала змяніць цэны з 1 лістапада. Падаражанне павінна было закрануць, у прыватнасці, хатні інтэрнэт byfly і комплексныя пакеты паслуг «ЯСНА». Аднак неўзабаве пасля абвяшчэння гэтых планаў аператар паведаміў у сацыяльных сетках, што павышэнне коштаў адмяняецца.

Цяпер «Белтэлекам» вярнуўся да перагляду тарыфаў і прызначыў новую дату ўвядзення змененых цэн — 29 лістапада. Азнаёміцца з поўным пералікам зменаў па асобных тарыфных планах можна на афіцыйным сайце кампаніі.

Чытайце таксама:

«Белтэлекам» збіраецца выйсці на рынак мабільнай сувязі ў наступным годзе

«Белтэлекам» заклікае адключаць мадэмы і ТБ-прыстаўкі ў навальніцу

«За што я плачу грошы?» Беларус паскардзіўся на хуткасць інтэрнэту ад «Белтэлекама», і ён такі не адзін

Каментары да артыкула