«Белтэлекам» заклікае адключаць мадэмы і ТБ-прыстаўкі ў навальніцу
У «Белтэлекаме» нагадалі абанентам пра неабходнасць адключаць мадэмы і ТБ-прыстаўкі ад электрасеткі падчас навальніцы, залевы і моцнага ветру.
Такая мера бяспекі дапаможа абараніць абсталяванне ад магчымых пашкоджанняў. У непагадзь могуць адбывацца абрывы ліній электраперадачы і перабоі з электразабеспячэннем. Акрамя таго, удары маланкі здольныя выклікаць скокі напружання, праз якія тэхніка можа выйсці з ладу.
У кампаніі падкрэслілі, што своечасовае адключэнне абсталявання ад сеткі дазволіць знізіць рызыку яго пашкоджання і захаваць працаздольнасць прылад.
Каментары