Выставілі на аўкцыён карціну Шагала, якую перад тым не паказвалі 50 гадоў
Карціну Марка Шагала «Таямніца раніцы» (Mystère du Matin), якую каля 50 гадоў не паказвалі шырокай публіцы, выставяць на аўкцыён у Мюнхене 4 снежня. Пра гэта сведчыць каталог аўкцыённага дома Ketterer Kunst. Палатно ацэньваюць на 800 тысяч — 1,2 мільёна еўра.
Марк Шагал. «Таямніца раніцы», 1946—1948. Фота: Ketterer Kunst
На карціне 1946—1948 гадоў, якую мастак стварыў у ЗША пасля смерці жонкі Бэлы, адлюстраваныя характэрныя для яго творчасці вобразы: на пярэднім плане — пышны букет кветак і сіні певень, а за імі — пара закаханых у палёце, акно і каза.
У ліпені 1977 года Шагал напісаў ліст уладальніку карціны, у якім патлумачыў, што хацеў перадаць праз гэту работу радасць жыцця і шчасце кахання, падзяліўшыся імі з усімі, хто цікавіцца мастацтвам.
Першы ўладальнік палатна, выдавец Антон Шуц, набыў яго непасрэдна ў мастака для сваёй калекцыі. Апошнія паўстагоддзя карціна захоўвалася ў прыватным зборы ў Германіі.
Чытайце таксама:
Выйшла аўтабіяграфія Марка Шагала «Сваё»
На аўкцыёне ў Ганконгу карціну Шагала прадалі за 6,3 мільёна даляраў
«Белоруссия ни при чём!» Леанід Парфёнаў адказаў на пытанне, чый Шагал