Sudździa, jaki asudziŭ da rasstrełu Kanavałava i Kavalova, staŭ staršynioj suda JEAES
Alaksandr Fiedarcoŭ, fota Siarhieja Hudzilina
Były pieršy namieśnik staršyni Viarchoŭnaha suda Biełarusi Alaksandr Fiedarcoŭ staŭ staršynioj Suda Jeŭrazijskaj ekanamičnaj sajuza.
Heta vynikaje z rašeńnia Vyšejšaha Jeŭrazijskaha ekanamičnaha savieta (na ŭzroŭni kiraŭnikoŭ dziaržaŭ), jakoje apublikavana na sajcie Jeŭrazijskaj ekanamičnaj kamisii, paviedamlaje BiełTA.
Ad pasady pieršaha namieśnika Viarchoŭnaha suda Biełarusi Alaksandr Fiedarcoŭ byŭ vyzvaleny ukazam №648 ad 30 śniežnia 2014 hoda, jaki apublikavany siońnia na Nacyjanalnym pravavym internet-partale.
Sudździa Alaksandr Fiedarcoŭ pryznaŭ Dźmitryja Kanavałava i Uładzisłava Kavalova vinavatymi ŭ vybuchach 11 krasavika 2011 h. i 4 lipienia 2008 h. ŭ Minsku. I prysudziŭ ich u listapadzie 2011 h. da rasstrełu.