Sudździa Fiedarcoŭ: Biełaruskija sudy daŭno stracili karnuju funkcyju
Biełaruskija sudy daŭno stracili karnuju funkcyju, zajaviŭ 25 červienia žurnalistam pieršy namieśnik staršyni Viarchoŭnaha suda Alaksandr Fiedarcoŭ.
«Siońnia havaryć ab represiŭnych mierach u sudzie nielha. U abyvacielskim razumieńni karnuju funkcyju sudy daŭno stracili», — ličyć sudździa Viarchoŭnaha suda.
Pavodle jaho słoŭ, sudy stali ŭsio bolš zajmacca razhladam hramadzianskich spraŭ. «Takich spraŭ niesuvymierna bolšaja kolkaść, čym kryminalnych. Źnižajecca i sama kolkaść kryminalnych spraŭ, jakija razhladajucca. Heta abumoŭlena nie tolki źnižeńniem złačynnaści, ale i źmianieńniem zakanadaŭstva, jakoje praduhledžvaje alternatyvu pazbaŭleńniu voli. Siońnia sankcyi ŭ vyhladzie pazbaŭleńnia voli niaznačnyja ŭ paraŭnańni ź inšymi sankcyjami ŭ sudovaj sistemie», — skazaŭ Fiedarcoŭ.
Sudździa Viarchoŭnaha suda padkreśliŭ, što «sud siońnia nie karny orhan, a orhan cyvilizavanaha vyrašeńnia sprečak».
Na dumku Fiedarcova, «ab karnaj funkcyi juvienalnaj justycyi naohuł havaryć nielha». «Kryminalnaje zakanadaŭstva ŭ dačynieńni da niepaŭnaletnich praduhledžvaje nie tolki pravy, ale i abaviazki sudździ pry razhladzie takich spraŭ. Jon pavinien vykarystoŭvać usie mahčymyja miery jaho vypraŭleńnia i vychavańnia biez pazbaŭleńnia voli», — skazaŭ jon.
Kamientary