Top-100 samych upłyvovych biełarusaŭ. 32. Hienadź Davydźka
32 (–). Hienadź Davydźka
Ctaršynia Biełteleradyjokampanii.
«Ministru telebačańnia» ŭdavałasia vybivać dadatkovaje finansavańnie, tamu pad jahonym kiraŭnictvam Biełteleradyjokampanija razrasłasia ŭ vialiki chołdynh. Praŭda, «Biełaruś-1» usio nijak nie moža dahnać ANT u rejtynhach papularnaści. Zatoje sam kiraŭnik BT štotydzień vystupaje ŭ efiry.
Mierkavańnie Davydźki pastajannaje ŭ svajoj źmienlivaści. To jon vykryvaje šavinizm Rasii, to ŭschvalaje rasiejcaŭ, jakija adstojvajuć słavianskija kaštoŭnaści ŭ zmahańni z «ukrainskimi nacystami». Niaźmiennaja tolki zaciataja zacyklenaść na pošuku vorahaŭ unutry krainy. Davydźka zastaŭsia, badaj, apošnim z prapahandystaŭ, jakija pa-raniejšamu pracujuć u takim styli.
Były siabar televizijščyka Uładzimir Niaklajeŭ nazvaŭ jaho «płastylinavym čałaviekam».
Cytata
«Słava hierojam!» taki ž voklič, jak «Chajl Hitler!»
Kastryčnik 2014.
Abjektyŭka
Nar. u 1955 u vioscy Papoŭka Sieńnienskaha rajona. Skončyŭ Dalokaŭschodni piedahahičny instytut mastactvaŭ (1977), Biełaruskuju akademiju mastactvaŭ (1991). Ihraŭ u Arenburhskim i Mahiloŭskim abłasnych dramteatrach, u teatry imia Janki Kupały. Dyrektar teatra imia Janki Kupały (1997—2004), deputat pałaty pradstaŭnikoŭ (2004—2012). Staršynia Biełteleradyjokampanii (z 2010). Žanaty, maje dačku.
* * *
Čytajcie taksama:
Kniaź Vitaŭt z Kałymy: historyja pośpiechu (ci padzieńnia) Hienadzia Davydźki
* * *