29 (–). Alaksandr Miažujeŭ
Dziaržaŭny sakratar Rady biaśpieki.
Rada biaśpieki maje vielmi šyrokija paŭnamoctvy. Naprykład, u mirny čas jana zabiaśpiečvaje pravavyja asnovy dziejnaści ŭsich struktur biaśpieki, farmiravańnie zamiežnaj i ŭnutranaj palityki pa źnižeńni vajennaj pahrozy, raspracoŭku asnoŭnych kirunkaŭ vajskovaj daktryny. U vajenny čas Rada biaśpieki zajmajecca mabilizacyjaj vajskovych struktur, a taksama zaćviardžaje prapanovy Ministerstva abarony.
Miažujeŭ — vajskoviec. Ale sam u bajavych dziejańniach udziełu nie braŭ. Usie jahonyja miedali, zvyš 20, za zasłuhi ŭ mirny čas. Naprykład, za likvidacyju nastupstvaŭ urahanu ŭ Bresckaj vobłaści. U Radu biaśpieki Miažujeva vyciahnuli ź cichaj i sonnaj pałaty pradstaŭnikoŭ.
Cytata
«U mianie zaŭsiody byli zdarovyja ambicyi. Ja nie lublu taptacca nie miescy, zaŭsiody znachodžusia ŭ pošuku. Lublu «žyvuju» pracu».
Sakavik 2013.
Abjektyŭka
Nar. u 1959 u Lachavičach. Skončyŭ Kijeŭskaje vyšejšaje ahulnavajskovaje kamandnaje vučylišča, Vajskovuju akademiju imia Frunzie ŭ Maskvie; Vajskovuju akademiju Hienieralnaha štaba Uzbrojenych sił Rasii. Maje zvańnie hienierał-majora. Uznaharodžany 20 miedalami. Žanaty, maje troch synoŭ, unukaŭ.
* * *
Čytajcie taksama:
Piać faktaŭ pra dziaržsakratara Rady biaśpieki Alaksandra Miažujeva
* * *
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ4
Kamientary