«Hremliny z Kramla». Azaronak źniaŭsia ŭ rasijskim klipie na pieśniu pra «Vahnier»
Rasijski repier Akim Apačaŭ i śpiavačka Julija Čyčeryna, jakija padtrymlivajuć vajnu i Pucina, zapisali klip na pieśniu «Who is Mr. Wagner?». U videa milhaje znajomy tvar biełaruskaj prapahandy.
Azaronak u klipie na pieśniu «Who is Mr. Wagner?». Skryn videa klipa
Pieśnia vykonvajecca pa-anhielsku z mocnym ruskim akcentam. U joj śpiavajecca, pra «ruskich hremlinaŭ z Kramla», jakim ničoha tak nie padabajecca, jak psavać samaloty F-16. «Ruskija hanhstary» — tak nazyvajuć vahnieraŭcaŭ u pieśni.
U klipie źniaŭsia prapahandyst Ryhor Azaronak. A taksama biełaruskija vajskoŭcy, jak vynikaje sa słoŭ Apačava.
U kadry i Siarhiej Łušč, prarasijski aktyvist, były kiraŭnik likvidavanaha ŭładami «Rumoła».
«Dziakujem za dapamohu ŭsim našym biełaruskim siabram, bajcam hrupy «Vahnier», vajskoŭcam US RB i US RF», — napisaŭ jon.
Naroŭni z rasijskim pakazali i čyrvona-zialony aficyjny biełaruski ściah. U centry — repier Akim Apačaŭ, sprava — Ryhor Azaronak, źleva — Siarhiej Łušč, prarasijski aktyvist, były kiraŭnik likvidavanaha ŭładami «Rumoła». Skryn videaklipa
Asobnyja kadry zdymalisia na Płoščy dziaržaŭnaha ściaha ŭ Minsku. Skryn videa klipa
Repier biaduje, što klip musiŭ vyjści «ŭ inšy čas, ź inšym mantažom i ź inšaj nahody», ale realnaść uniesła svaje karekciroŭki.
Nahadajem, samalot z kiraŭnikom «Vahniera» Jaŭhienam Pryhožynym raźbiŭsia ŭ Ćviarskoj vobłaści 23 žniŭnia. Učora prajšło zakrytaje pachavańnie Pryhožyna. Jaho pachavali ŭ Sankt-Pieciarburhu na padkreślena nieprestyžnych Parachaŭskich mohiłkach.
Čytajcie taksama:
Pryhožyn i Utkin zahinuli, ich samalot raźbiŭsia nad Vałdajem. Što viadoma na hety momant
Pryhožyna pachavali ŭ Sankt-Pieciarburhu na padkreślena nieprestyžnych mohiłkach
Pucin nie pajedzie na pachavańnie hieroja Rasii Jaŭhiena Pryhožyna