Dla biblijateki imia Karatkieviča ŭ Rahačovie zakuplajuć tysiačy knih, ale nivodnaj na biełaruskaj movie
Dziaržaŭnuju zakupku pa nabyćciu knih mastackaj litaratury dla Rahačoŭskaj centralnaj rajonnaj biblijateki imia Uładzimira Karatkieviča ładzić «Centr pa zabieśpiačeńni dziejnaści biudžetnych arhanizacyj Rahačoŭskaha rajona». Za 7 tysiač rubloŭ płanujecca zakupić 3 475 knih, ź jakich niama nivodnaj na biełaruskaj movie, vyśvietliŭ «Fłahštok».
Fota: Rahačoŭskaja rajonnaja biblijateka
Fond biblijateki, nazvanaj u honar kłasika biełaruskaj litaratury, chočuć ukamplektavać sotniami knih (kožnaj — pa niekalki ekzemplaraŭ). Usie jany — dla dziaciej. U asnoŭnym heta rasijskija kazki — takija jak «Kołobok», «Carievna-Lahuška» — i zborniki apaviadańniaŭ.
Srodki na zakupku vydatkavanyja z rajonnaha biudžetu. Pastaŭka tavaru ŭ miežach tendaru pavinna adbycca da kanca sakavika.
Frahmient dziaržaŭnaj zakupki
Čytajcie taksama:
Hihin raskazaŭ, što źmienicca praktyka pakarańnia za raspaŭsiud «ekstremisckich» materyjałaŭ
«Tolki nie maŭčycie!» — kryk Mukavozčyka ŭ pustyni. Bo mastaka i litaratara musić niešta čaplać