Anłajn-biblijateka Kamunikat zajmieła abnoŭlenuju viersiju sajta, a taksama zapuściła šerah litaraturnych inicyjatyŭ.
Siarod ich, naprykład, zapis i vydańnie aŭdyjaknih sučasnych biełaruskich aŭtaraŭ — Andreja Fiedarenki, Uładzimira Arłova, Barysa Piatroviča, Alesia Arkuša, Artura Klinava, Valera Hapiejeva i inšych.
Kamunikat arhanizuje taksama litaraturnyja iventy. Hetak, sioleta adbyŭsia jeŭrapiejski tur z Uładzimiram Arłovym — bolš za 10 haradoŭ u čatyroch krainach (Polšča, Niamieččyna, Italija i Litva). Ale meta takich imprezaŭ, dzie b jany ni prachodzili, nie tolki vyklučna kulturnickaja. Heta zaŭsiody nahoda dla abjadnańnia biełarusaŭ i sustreč ź biełaruskaj dyjasparaj, z tymi ludźmi, jakija nie sa svajoj voli źjechali ź Biełarusi.
Kamunikat praciahvaje i svoj ambitny prajekt — vydańnie aŭdyjaviersii «Hałasoŭ utopii» nobieleŭskaj łaŭreatki Śviatłany Aleksijevič. Apublikavanaja ŭžo treciaja kniha sieryi — «Cynkavyja chłopčyki». Upieršyniu jana vychodzić pa-biełarusku i biez cenzury.
Adnak asnoŭnym kirunkam Kamunikat.org zastajecca zbor i zachavańnie knih i pieryjodyki, jakija vychodziać pa-biełarusku ci pra Biełaruś.
Zaraz sajt staŭ maksimalna sučasnym, dziakujučy novamu dyzajnu i aptymizacyi pad samyja roznyja devajsy i pryłady. Taksama chutčej stali zahružacca staronki i vydańni, piša «Budźma».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary