U Adeskaj vobłaści rasijski dron trapiŭ u turecki hazavoz

U noč z 16 na 17 listapada rasijskija vojski nanieśli ŭdar pa Adeskaj vobłaści Ukrainy. U porcie Izmaił rasijski dron trapiŭ u turecki hazavoz, što vyklikała pažar na sudnie, paviedamlaje Euronews.

Fota: turkiyegazetesi.com.tr

Ułady susiedniaj Rumynii evakujavali žycharoŭ viosak Płaŭru i Čatałkoj u pamiežnaj z Ukrainaj kamunie Tułča — ludzi tam apynulisia ŭ zonie ryzyki praz vybuch i pažar na hazavozie. Razam ź miascovymi žycharami vyvieźli i ich svojskich žyvioł.

Akramia taho, byli evakujavanyja ŭsie 16 členaŭ ekipaža tankiera. Nichto ź ludziej nie paciarpieŭ.

Na borcie sudna znachodziłasia da 4 tysiač ton zvadkavanaha hazu. Ukrainskija ratavalniki taksama pravodzili evakuacyju ŭ susiednich rajonach.

Rumynskija ŚMI apublikavali videa pažaru na hazavozie, źniataje prykładna apoŭdzień.

U pamiežnych z Ukrainaj rehijonach Rumynii ŭžo nieadnarazova znachodzili abłomki bieśpiłotnikaŭ, jakimi Rasija atakuje asabliva Adeskuju vobłaść. Raniej urad Rumynii pryniaŭ zakon, jaki dazvalaje źbivać rasijskija drony, kali jany traplajuć u rumynskuju pavietranuju prastoru.

Kamientary da artykuła