Try čałavieki zahinuli pad Charkavam u vyniku rakietnych udaraŭ Rasii
Rasijskija vojski ŭ noč na 17 listapada nanieśli dva rakietnyja ŭdary pa horadzie Bałaklija ŭ Charkaŭskaj vobłaści Ukrainy
Pad udar trapili žyłyja kvartały, paviedamiŭ kiraŭnik miascovaj vajennaj administracyi Vital Karabanaŭ.
Pavodle jaho danych, zahinuli try čałavieki, jašče dziesiać, siarod jakich troje dziaciej, atrymali ranieńni. Dzieviać paciarpiełych byli špitalizavanyja. «Na miescy praciahvajuć pracu ratavalniki, miedyki i ekstrannyja słužby», — adznačyŭ Karabanaŭ.
Udar byŭ naniesieny kala treciaj hadziny nočy. Pierad hetym Pavietranyja siły USU papiaredzili ab zapusku rasijskimi vojskami balistyčnych rakiet z Kurskaj vobłaści. Bałaklija mieścicca prykładna za 80 km ad Charkava.
Da hetaha rasijskaja armija naniesła adzin z samych śmiarotnych udaraŭ za ciapierašniuju vosień pa Kijevie. 14 listapada ŭ vyniku ataki z dapamohaj dronaŭ i balistyčnych rakiet u ŭkrainskaj stalicy zahinuli siem čałaviek, a ŭ Kijeŭskaj vobłaści — šeść.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary