Stała viadoma, jaki horad u Biełarusi samy tumanny

Padčas pres-kanfierencyi ŭ Domie presy načalnica adździeła vyvučeńnia źmianieńniaŭ klimatu słužby mietearałahičnaha i klimatyčnaha manitorynhu, fondu danych Biełhidramieta Volha Bakłanava raskazała, jakija miascovaści ŭ Biełarusi ličacca najbolš tumannymi.

Ruiny Navahradskaha zamka. Fota: Siarhiej Maciuchievič / orda.of.by

Volha Bakłanava adznačyła, što ŭ siarednim pa krainie za hod byvaje ad 30 da 70 dzion z tumanam, i ich kolkaść pavialičvajecca ad nizin da bolš vysokich terytoryj.

Asabliva časta tumany ŭźnikajuć na Minskim i Navahrudskim uzvyššach — u asieńnie-zimovy pieryjad tam moža naziracca da 25 tumannych dzion na miesiac.

Pa słovach sinoptyka, biełaruskim horadam z najbolšaj kolkaściu dzion tumanu ŭ hod ličycca Navahrudak. Jana pryviała i histaryčnyja danyja: u 1964 hodzie tam, naprykład, zafiksavali ažno 140 dzion z tumanam.

Kamientary da artykuła