Biełaruska, jakaja mocna paciarpieła ŭ aŭtaavaryi ŭ Tajłandzie, viartajecca dachaty
28‑hadovaja žycharka Minska Nastaśsia Jasiukievič, jakaja mocna paciarpieła ŭ ciažkaj aŭtamabilnaj avaryi ŭ Tajłandzie, viartajecca ŭ Biełaruś, paviedamlaje Sputnik sa spasyłkaj na sacsietki vałancioraŭ. Jana ŭ pačatku listapada atrymała surjoznyja traŭmy ŭ avaryi z udziełam aŭtobusa ŭ pravincyi Kančanabury.
Usiaho ŭ tym DTZ paciarpieli piać hramadzian Biełarusi i šeść hramadzian Rasii.
U vyniku Nastaśsia atrymała pierałom pazvanočnika, niekalki pierałomaŭ rebraŭ, traŭmatyčny pnieŭmatoraks i značnuju stratu kryvi. Joj praviali niekalki apieracyj, u tym liku pa vydaleńni žoŭcievaha puzyra i sielazionki. Praces uskładniŭsia tym, što spatrebiłasia donarskaja kroŭ redkaj hrupy (treciaja admoŭnaja), i dapamahło tolki spryjańnie žycharki Kryma, jakaja zdała dva litry kryvi.
Biełaruska praviała ŭ špitali kala piaci tydniaŭ. U kancy listapada da jaje pryjechała siastra Hanna ź Minska, jakaja ciapier supravadžaje Anastasiju damoŭ, da syna.
Čytajcie taksama:
Biełarusku z redkaj hrupaj kryvi, što trapiła ŭ DTZ u Tajłandzie, vyratavała žycharka Kryma