Biełaruś i Iran damovilisia sumiesna supraćdziejničać sankcyjam
Biełaruś dy Iran damovilisia ab supolnych krokach suprać zachodnich sankcyj, padpisaŭšy adpaviednuju dekłaracyju. Dakumient staŭ vynikam pieramoŭ ministraŭ zamiežnych spraŭ dźviuch krain — Maksima Ryžankova i Abasa Arakčy, jakija adbylisia ŭ Minsku 15 śniežnia, paviedamlaje pres-słužba MZS Biełarusi.
Abas Arakčy i Maksim Ryžankoŭ. Fota: MZS Biełarusi
Jak paviedamili ŭ MZS Biełarusi, storany zamacavali ahulnyja pryncypy supraćdziejańnia adnabakovym abmiežavalnym mieram, a taksama šlachi źmianšeńnia i likvidacyi ich niehatyŭnych nastupstvaŭ. Maksim Ryžankoŭ padkreśliŭ, što Biełaruś i Iran, jakija znachodziacca pad sankcyjnym ciskam, ličać ekanamičnyja abmiežavańni parušeńniem mižnarodnaha prava, bo jany, maŭlaŭ, škodziać zvyčajnym hramadzianam i spryjajuć rostu napružanaści ŭ śviecie.
Kiraŭnik biełaruskaha MZS taksama adznačyŭ plonnaje supracoŭnictva dźviuch krain u miežach takich mižnarodnych abjadnańniaŭ, jak ŠAS i BRIKS, dzie, pavodle jaho słoŭ, prasoŭvajucca intaresy dziaržaŭ, jakija pradstaŭlajuć «suśvietnuju bolšaść».
Akramia hetaha, u vyniku sustrečy byli padpisanyja dekłaracyja ab umacavańni roli mižnarodnaha prava ŭ mižnarodnych adnosinach i prahrama supracoŭnictva pamiž ministerstvami zamiežnych spraŭ Biełarusi dy Irana na 2026—2030 hady.
Čytajcie taksama:
Litva nie budzie prapuskać biełaruski kalij praz Kłajpiedu, niahledziačy na admienu sankcyj ZŠA
Ministry zamiežnych spraŭ ES uchvalili pašyreńnie sankcyjnaha režymu ŭ dačynieńni da Biełarusi
Što aznačaje źniaćcie amierykanskich sankcyj dla biełaruskaha kaliju
MZS Litvy: Jeŭrasajuz navat nie abmiarkoŭvaje pytańnie źniaćcia sankcyj ź Biełarusi