U Kličavie prosta pa vulicy horada špacyravała ryś VIDEA
Ryś pavolna špacyravała pa Kličavie i, jak raskazaŭ aŭtar videarolika ŭ tyktoku, paźniej zbočyła ŭ dvary miascovaj «Kulinaryi», piša Mogilev Online.
Skrynšot ź videa
U kamientarach pad videa mnohich karystalnikaŭ taki epizod nie ździviŭ.
Adzin žychar Kličava raskazaŭ, što taksama bačyŭ paru hetych čyrvanaknižnych žyvioł, jakija pierapłyvali raku pablizu horada «za łaźniaj» u toj ža samy dzień, i navat padzialiŭsia videa, na jakim źniaŭ adnu z rysiaŭ.
«Dzie jana tolki ni pabyvała: i na stadyjonie, i ŭ druhoj škole. Vierniecca jašče nie raz, 100 adsotkaŭ», — vykazaŭsia inšy miascovy žychar.
Ale znajšlisia i tyja, chto ździviŭsia tamu, što redki ŭ Biełarusi źvier nastolki nabliziŭsia da ludziej.
«Ja ich u lesie nie bačyŭ, a tut u «Kulinaryju» pryjšli», — napisaŭ niechta.
Karystalniki vykazali zdahadku, što vierahodnaj pryčynaj źjaŭleńnia bujnoha kata ŭ horadzie moža być žadańnie zdabyć sabie pražytak, zaŭvažyŭšy, što ŭ pryvatnym siektary jość haspadarki, u jakich razvodziać kurej.
Tym nie mienš bolšaść kamientataraŭ nie ŭbačyła ŭ situacyi niebiaśpieki. Adnyja pažartavali, što heta prosta «simvał Homiela, jaki ŭciok».
Čytajcie taksama:
Arhanizacyja, jakoj kiruje Šunievič, pachvaliłasia čarhovym zabojstvam — čyrvanaknižnaj rysi
Ispanski fatohraf zrabiŭ pieršaje ŭ śviecie FOTA biełaj pireniejskaj rysi
Siezon palavańnia na ryś startavaŭ u Biełarusi
U lesie pamiž Iviancom i Rakavam turysty sustreli ryś z rysianiatami VIDEA