U Minsku pamianiajuć sistemu akazańnia chutkaj miedycynskaj dapamohi. Zamiest adnoj balnicy buduć try centry
U Minsku płanujuć źmianić sistemu akazańnia chutkaj miedycynskaj dapamohi, kab zrabić jaje bolš zručnaj i dastupnaj dla žycharoŭ horada, paviedamiŭ Alaksandru Łukašenku staršynia Minskaha harvykankama Uładzimir Kucharaŭ padčas naviedvańnia palitykam novaj 42‑j staličnaj palikliniki.
Zdymak ilustracyjny. Fota: «Naša Niva»
Ciapier asnoŭnaja płyń pacyjentaŭ, jakim patrebna terminovaja dapamoha, nakiroŭvajecca ŭ adnu Haradskuju kliničnuju balnicu chutkaj miedycynskaj dapamohi. Z-za hetaha tam časta ŭźnikaje pierahruzka.
Kab vyrašyć prablemu, prapanujecca padzialić horad na try častki i stvaryć try bujnyja centry, jakija buduć prymać takich pacyjentaŭ.
Hetyja centry płanujuć arhanizavać na bazie ŭžo najaŭnych miedycynskich ustanoŭ. Adzin budzie pracavać na bazie centra chirurhii, transpłantałohii i hiematałohii, druhi — na bazie 10‑j haradskoj kliničnaj balnicy, treci — na bazie balnicy chutkaj miedycynskaj dapamohi.
Meta takoj reformy — raŭnamierna raźmierkavać pacyjentaŭ pamiž roznymi ŭstanovami, źmienšyć nahruzku na adnu balnicu i skaracić čas u darozie dla ludziej z roznych rajonaŭ Minska.
Čytajcie taksama:
Łukašenka zahadaŭ, kab haradskaja miedycyna była dastupnaja žycharam rehijonaŭ
Zahadčyk adździaleńnia balnicy pisaŭ pra «abascanych ałkašoŭ». Jak adreahavała kiraŭnictva?