«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach
Zahadčyk traŭmatałahičnaha adździaleńnia Kaściukovickaj centralnaj balnicy Alaksiej Hrejcar nie abmiažoŭvaje siabie etykaj. Piša ŭ Threads, što nie ŭsich ludziej treba ratavać, a maładym kaleham raić «zabić ch*j na paklikańnie».
Alaksiej Hrejcar skončyŭ Homielski dziaržaŭny miedycynski ŭniviersitet pa śpiecyjalnaści chirurhija. Vučyŭsia pa metavym nakiravańni ad Mahiloŭskaj vobłaści. Navuka davałasia jamu tak sabie — siaredni bał vielmi nizki, treci z kanca siarod chirurhaŭ, jakija vypuskalisia razam z Alaksiejem.
Jašče ŭ 2024 hodzie «Hołas Kaściukoŭščyny» pisaŭ pra Alaksieja Hrejcara jak pra pačynajučaha, ale pierśpiektyŭnaha maładoha doktara. Tady ŭ centralnaj rajonnaj balnicy znoŭ stali pravodzić apieracyi pa zamienie tazaściehnavoha sustava, i Alaksiej u ich udzielničaŭ razam z bolš vopytnym kalehaj.
Nie prajšło i dvuch hadoŭ — a Hrejcar užo paznačany na sajcie Kaściukovickaj centralnaj rajonnaj balnicy zahadčykam traŭmatałahičnaha adździaleńnia.
U volny čas mužčyna zajmajecca paŭerliftynham, a taksama viadzie aktyŭnaje sacyjalnaje žyćcio ŭ Threads.
Na dziŭnyja pavodziny doktara ŭ sacsietkach źviarnuła ŭvahu žančyna, jakaja žyvie ŭ Čechii i zajmajecca dabračynnaściu. Hrejcar pasprabavaŭ ź joj paznajomicca: «Pryvitańnie, paznajomimsia. Zaŭsiody było cikava pakamunikavać z zamiežnicaj, popu lizać nie budziem, ja narmalny».
Skažam ščyra: nie lepšy varyjant pačatku dyjałohu. Taćciana vyrašyła pahladzieć, jakija kamientary pakidaje doktar, — i była niepryjemna ŭražanaja.
U sacsietkach Alaksiej nie prachodzić mima dopisaŭ, jakija pryśviečany tamu, što niechta vyklikaŭ chutkuju dapamohu pjanamu čałavieku.
Ahresiju ŭ Alaksieja vyklikała historyja chłopca, jaki raspavioŭ, što adčuvaŭ siabie niajomka praz toje, što patelefanavaŭ u 103, bo chvalavaŭsia za pjanaha mužčynu z raźbitaj hałavoj. Małady čałaviek pryznaŭsia, što zasmuciŭsia, kali pabačyŭ niehatyŭnuju reakcyju miedykaŭ: «Ni ŭ jakim vypadku nie złujusia na supracoŭnikaŭ chutkaj, moža, jany prosta stamilisia, ale tady ŭ mianie było adčuvańnie, što ja prosta padkinuŭ im pracu».
Hrejcar adkazaŭ: «Bo tak i jość, abascanaha bamža im padkinuŭ i jašče chirurham padkinuŭ, małajčyna hieroj». Jašče jon paraiŭ chłopcu skazać dziakuj za toje, što jaho «nie abascali». I dadaŭ: «Dyk zabiary dadomu ałkaša abascanaha i vychodžvaj».
Inšy chłopiec padzialiŭsia, jak nočču ŭ studzieni 40 chvilin stajaŭ pobač z mocna pjanym maładym chłopcam, a potym prymusiŭ chutkuju zabrać čałavieka ŭ balnicu — bo chvalavaŭsia, što na marozie toj prosta zahinie.
Tut Alaksiej znoŭ adreahavaŭ śpiecyfična. Na frazu «nie daj boh apynucca ŭ daktaroŭ, dla jakich papierki važniejšyja, čym stan čałavieka pierad imi» adkazaŭ: «Nie apynajsia, vas i tak chapaje, a bamžoŭ i ałkašoŭ doma źbiraj, kali sercajka dziavočaje balić».
Cikavyja parady Hrejcar razdaje i maładym kaleham. Dziaŭčynie (jana doktarka-intern), jakaja paprasiła paradu pierad pieršym pracoŭnym dniom u dziaržaŭnaj paliklinicy, jon napisaŭ: «Zapasajsia antydepresantami. Paliklinika — heta b*ski cyrk z šalonymi źviarami». A potym dadaŭ:
«Na paklikańnie zabi ch*j, zdavaj na katehoryju ci što ŭ vas tam, i zvalvaj u pryvatnuju».
Žartavaŭ jon i ź niadaŭniaha vypadku, kali praz kanflikt 16‑hadovy chłopiec zastaŭsia bieź sielazionki: «Pravakataru sielazionku adrezali, jamu pavinna chapić».
Jość i dziŭnyja pracoŭnyja historyi: «Ja ŭčora ŭpraŭlaŭ babcy pierałom i parvaŭ joj skuru na pieradpleččy».
Časam jon publikuje i fotazdymki z apieracyjnaj.
Padzialiŭsia Alaksiej u sacsietkach i svaimi dasiahnieńniami: «Staŭ zahadčykam adździaleńnia, nabyŭ adnapakajoŭku, nabyŭ mašynu, u mianie dzicia».
Pry hetym, u Threads Alaksiej aktyŭna piša abraźlivyja kamientary žančynam.
Dyrektarka turfirmy nie paznała biełaruskuju movu, kali vinšavała z Dniom jadnańnia Biełarusi i Rasii. I praciahvaje siabie zakopvać
Jabaćka zasypaŭ akaŭnty pryhažuń u Threads intymnymi prapanovami
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary