Biełaruś zastajecca krainaj vialikaj kultury. Kultury, jakaja reahuje i na jakuju reahujuć. Jak na novuju vystavu Arlena Kaškureviča Ci na rok «Partyzonu».
Na tym tydni źjavilisia taksama adrazu try etapnyja knihi.
Dziaržaŭnaje vydaviectva «Biełaruskaja encyklapedyja» nadrukavała pieršy tom šykoŭnaj encyklapedyi «Vialikaje Kniastva Litoŭskaje»: na krajdavanaj papiery, z małaviadomymi ilustracyjami, jakija sabraŭ aŭtar bestseleru «Kraina Biełaruś» Źmicier Hierasimovič.
Inšaja darahaja va ŭsich sensach navinka nazyvajecca «Ich Mroja. Ich N.R.M.». Pra rokieraŭ napisaŭ Viktar Dziatlikovič, telereparcior kanału «Rasija», jaki pachodzić ź Biełarusi — toj samy, jaki rychtavaŭ repartaž ź miesca zabojstva Maschadava. Knihu vydaŭ «Sučasny litaratar».
A ŭ «Limaryjusie» vyjšaŭ epistalar Łarysy Hienijuš «Kab vy viedali». 355 kaštoŭnych listoŭ sabraŭ i apracavaŭ Michaś Skobła.
Nie małyja dla svaich žanraŭ i nakłady ŭsich vydańniaŭ. Recenzii na ich my rychtujem u nastupnyja numary «NN».
U hetym kantekście jak daŭno čakanaje naležnaje ŭsprymajecca viestka, što ź vieraśnia ŭ Harvardzkim universytecie pačnuć vykładać biełaruskuju movu. Jak i inicyjatyva šerahu duchoŭnych asobaŭ ab vyłučeńni na Nobeleŭskuju premiju ŭ halinie litaratury narodnaha paeta Ryhora Baradulina.
Zmahańnie za premii — častka składanaj lahistyčnaj zadačy adkryć našu kulturu śvietu. Hetak i dyplamaty marać pra viartańnie krainy ŭ mejnstrym eŭrapiejskaj historyi . Hetak i haspadarniki zajmajucca intehracyjaj haspadarki ŭ eŭrapiejskuju ekanomiku. Pryčym usie bjucca nad prablemaj vykarystańnia vyhadaŭ i pieraadoleńnia zahanaŭ najaŭnaje palityčnaje systemy dla vyrašeńnia svaich zadańniaŭ.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary