«Džem-bank» padličyŭ straty
Nacbank admianiŭ dziejnaść časovaj administracyi ŭ «Džem-banku». Praŭda, u samim banku hetym nie zadavoleny: ciapier licenzija «Džem-banku» značna abmiežavanaja. Jamu nie dazvolena rabić praktyčna nijakich aperacyj, jakija prynosiać prybytak. Možna tolki absłuhoŭvać starych klijentaŭ, nie zavodziačy novych rachunkaŭ. «Džem-bank» aceńvaje straty ad apošnich dziejańniaŭ kantrolnych orhanaŭ u 42 młrd rubloŭ.
Zabaronienyja hruzaviki
Saviet Ministraŭ padoŭžyŭ da 5 traŭnia 2006 h. dziejańnie pavyšanaj mytnaj pošliny na patrymanyja hruzavyja aŭtamabili, aŭtobusy i pryčepy. Jana dziejničaje ŭžo z 23 sakavika 2003 h. i faktyčna źjaŭlajecca zabaronaj na impart — pošlina składaje 50% (ale nia mienš za 2,2 eŭra za 1 sm³ abjomu ruchavika) mytnaha koštu aŭtamabila. Hetak dziaržava imkniecca padtrymać ajčynnych vytvorcaŭ analahičnaj techniki.
Elektryčnaść z Kazachstanu
Biełaruś pačała vyvučać mahčymaść pastavak elektraenerhii z Kazachstanu. Elektryčnaść budzie iści tranzytam praz Rasieju. Košt tranzytu i samoj elektraenerhii pakul nieviadomy. Abjom pastavak moža skłaści 2,2—2,5 młrd kVt/hadz u hod. Apošnim časam taksama dosyć aktyŭna viadziecca prapracoŭka varyjantaŭ pastaŭki elektraenerhii z Ukrainy biez patreby płacić za tranzyt praz treciuju krainu.
AK, AFN
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča5
Kamientary