Nacyjanalny kanhres demakratyčnych siłaŭ pryznačany na 1 kastryčnika. Za miesiac apazycyi pryjdziecca zrabić vybar, z nastupstvami jakoha — pazytyŭnymi ci nehatyŭnymi — krainie pryjdziecca žyć piać hadoŭ.
Pavodle apytańnia IRI, najmienšy nehatyŭny rejtynh siarod pretendentaŭ majuć Uładzimier Kołas i Alaksandar Vajtovič. Ale dva hetyja palityki nie dałučylisia da kanhresavaj pracedury. Z «dałučanych» najmienšy nehatyŭny rejtynh u Alesia Milinkieviča. Samym paznavalnym apazycyjnym palitykam zastajecca Anatol Labiedźka. U sytuacyi roŭnaści rejtynhaŭ mnohija delehaty buduć, badaj, hałasavać sercam, pad upłyvam apošnich emocyj.
Naprykład, uzbureńnia praz rašeńnie «Niamieckaj chvali» rabić biełaruskuju prahramu ŭ vyklučna rasiejskamoŭnym farmacie. Aleh Trusaŭ uvohule pastaviŭ pad sumnieŭ metazhodnaść udziełu ŭ Kanhresie ŭ sytuacyi, kali asobnyja pretendenty ŭ prezydenty takoje rašeńnie vitali. Maŭlaŭ, kali niama pavahi da našaha hałoŭnaha pryjarytetu, pra jakuju jednaść havorka. Da temy «Chvali» viartajecca Vital Taras.
Ź inšych materyjałaŭ numaru źviarnu ŭvahu na dopis A.Buzinnaha ź Pinsku. Ci musiać biełarusy vyjaŭlać salidarnaść z narodami, jakija zmahajucca za niezaležnaść ad Rasiei? Hety list, dumaju, vykliča reakcyi. Adpačniecie ž za čytańniem cudoŭnych pierakładaŭ z habrejskaje, z Ethara Kiereta.
Kamientary