Rasijski «Vniešekanombank» («VEB») uchvaliŭ zajaŭku Ministerstva finansaŭ Biełarusi na vydzialeńnie kredytu terminam na 10 hadoŭ i abjomam da 500 młn. dołaraŭ na finansavańnie avansavych płaciažoŭ pa prajekcie budaŭnictva biełaruskaj AES.
U intervju RIA Novosti namieśnik staršyni «VEB» Alaksandr Ivanoŭ nahadaŭ, što ŭ listapadzie 2011 hoda ŭrady Rasii i Biełarusi padpisali pahadnieńnie ab vydzialeńni dziaržaŭnaha ekspartnaha kredytu ŭ abjomie da 10 młrd. dołaraŭ dla budaŭnictva atamnaj elektrastancyi na terytoryi Biełarusi. Pa hetym pahadnieńni «VEB» vystupaje ahientam Minfina RF.
«Adnačasova Minfin Biełarusi zapytaŭ u „Vniešekanombanku“ kredyt na finansavańnie avansavych płaciažoŭ pa hetym prajekcie — da 500 młn. dołaraŭ terminam da 10 hadoŭ.My razhledzieli kredytnuju zajaŭku i, uličvajučy vialikuju značnaść hetaha prajekta dla Rasii, pryniali stanoŭčaje rašeńnie. Schiema vyhladaje nastupnym čynam: my finansujem ździełku razam z „Roseksimbankam“. Dola „VEBa“ składaje 460 młn. dołaraŭ, „Roseksimbanka“ — 40 młn. dołaraŭ», — paviedamiŭ Ivanoŭ.
Pavodle jaho słoŭ, daččyny «Roseksimbank» daść dziaržharantyju jak zabieśpiačeńnie pa hetym kredycie.Raźliki pa kredycie i manitorynh prajekta budzie ažyćciaŭlać biełaruskaja «dačka» «VEBa» — bank «BiełZEB».
Budavać AES u Biełarusi płanujecca pa rasijskim prajekcie
Mižuradavaje pahadnieńnie Biełarusi i Rasii praduhledžvaje vydzialeńnie Biełarusi dziaržaŭnaha kredytu dla budaŭnictva AES terminam na 25 hadoŭ i abjomam da 10 miljardaŭ dołaraŭ. Kredyt vydajecca dla finansavańnia 90% koštu kožnaha dahavoru pamiž rasijskim «Atambudekspartam» i biełaruskaj Dyrekcyjaj budaŭnictva AES na pastaŭku tavaraŭ, vykanańnie rabot i akazańnie pasłuh pa budaŭnictvie dvuch enierhabłokaŭ stancyi. Vykarystańnie kredytnych srodkaŭ budzie ažyćciaŭlacca pa miery padpisańnia dahavoraŭ.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr10
Kamientary