Ruch «Za Svabodu» nie budzie vyłučać svaich kandydataŭ na vybarach u Pałatu pradstaŭnikoŭ
Pry hetym saviet ruchu adnahałosna prahałasavaŭ za padpisańnie pahadnieńnia abjadnanych demakratyčnych sił (ADS) ab pryncypach udziełu ŭ palityčnaj kampanii padčas vybaraŭ u Pałatu pradstaŭnikoŭ.
Ruch «Za Svabodu» nie budzie vyłučać svaich kandydataŭ na vybarach u Pałatu pradstaŭnikoŭ 2008 hoda. Takoje rašeńnie było pryniata savietam ruchu «Za Svabodu», pasiadžeńnie jakoha prajšło 13 lipienia ŭ Minsku.
Pry hetym saviet ruchu adnahałosna prahałasavaŭ za padpisańnie pahadnieńnia abjadnanych demakratyčnych sił (ADS) ab pryncypach udziełu ŭ palityčnaj kampanii padčas vybaraŭ u Pałatu pradstaŭnikoŭ. Byli ŭchvaleny try kirunki: sumiesnaje ažyćciaŭleńnie kampanii pa vyłučeńni pradstaŭnikoŭ u vybarčyja kamisii ŭsich uzroŭniaŭ; udzieł u palityčnaj kampanii «Za adkrytyja vybary»; praviadzieńnie kanfierencyi z udziełam mižnarodnych arhanizacyj, nacyjanalnych parłamientaŭ demakratyčnych krain, uładaŭ i demakratyčnych sił, skiravanaj na źmianieńnie vybarčaha zakanadaŭstva, a taksama zakanadaŭstva ab palityčnych partyjach i hramadskich abjadnańniach.
Dziejnaść ruchu «Za Svabodu» padčas palityčnaj kampanii vybaraŭ u Pałatu pradstaŭnikoŭ budzie skiravanaja na źmianieńnie vybarčaha zakanadaŭstva, na infarmavańnie hramadzian ab parušeńniach ich vybarčych pravoŭ, a taksama na mabilizacyju hramadstva dla abarony hetych pravoŭ, zaznačyŭ padčas pasiadžeńnia kiraŭnik homielskaj frakcyi "Rehijony «Za Svabodu» ŭ ADS Viktar Karniajenka.
«Ruch «Za Svabodu» zmahajecca za praceduru, a nie za ŭładu. My chočam damahčysia praviadzieńnia ŭ Biełarusi svabodnych i demakratyčnych vybaraŭ», - zajaviŭ lider ruchu, były kandydat u prezidenty Biełarusi Alaksandr Milinkievič.
Udzielniki sustrečy razhledzieli taksama pytańni kančatkovaha farmavańnia vykanaŭčaha orhana ruchu, jaho biahučuju i pierśpiektyŭnuju dziejnaść, zaćvierdzili dapoŭnienaje pradstaŭnictva frakcyi «Rehijony «Za Svabodu» ŭ Palityčnym saviecie ADS.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Ciapier čytajuć
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary