Jahonaje žyćcio zaŭčasna abarvaŭ rak. Jon pamior u 2011 hodzie, u 38 hadoŭ. Jon zastajecca ŭ pamiaci siabroŭ jak madel intelektuała-hramadzianina.
Vital Silicki vyras u rabočaj siamji, u rabočym rajonie Minska — na vulicy Karła Libkniechta. Jašče junakom dałučyŭsia da ruchu za nacyjanalnaje vyzvaleńnie.
Atrymaŭ vydatnuju adukacyju ŭ BDU, paśla — u spansaravanym Sorasam Centralnajeŭrapiejskim univiersitecie, jaki davaŭ moładzi z Uschodniaj Jeŭropy šaniec na jakasnuju biaspłatnuju adukacyju. A paśla — u Rathierskim univiersitecie, dzie abaraniŭ doktarskuju dysiertacyju ŭ palityčnych navukach.
Jon viarnuŭsia ŭ Biełaruś, bo byŭ patryjotam svajoj lasnoj starany. Silicki byŭ prykładam intelektuała novaha pakaleńnia: jon byŭ błohieram i karystalnikam sacyjalnych sietak, jon pisaŭ dla internetu i papiarovych vydańniaŭ. Akademičny navukoviec, jon adnačasova byŭ vostrym publicystam. Jon uvachodziŭ u Abjadnanuju hramadzianskuju partyju i ličyŭ palityku abaviazkam kožnaha sapraŭdnaha čałavieka ŭ taki čas...
Sioleta mama pastaviła pa Vitalu pomnik na Kaładziščanskim mohiłkach. Heta zusim blizka ad pachavańnia Janki Bryla, na ŭzhorku ŭ zachodniaj častcy niekropala. A siabry ŭstanavili premiju imia Vitala Silickaha dla aŭtaraŭ palitałahičnych pracaŭ i błohaŭ. Pieršuju premiju majuć prysudzić u 2013 hodzie. Hałoŭnym ža pomnikam Vitalu zastajecca Biełaruski instytut stratehičnych daśledavańniaŭ — analityčny centr, jaki jon prydumaŭ i stvaryŭ.
Kamientary