Internet-kafe z kanca studzienia 2013 možna budzie naviedvać biez pašparta
Uładalniki internet-kafe i kampjutarnych kłubaŭ zmohuć vykarystoŭvać alternatyŭnyja sposaby identyfikacyi karystalnikaŭ.
Uładalniki internet-kafe i kampjutarnych kłubaŭ zmohuć vykarystoŭvać alternatyŭnyja sposaby identyfikacyi karystalnikaŭ — z dapamohaj techničnych srodkaŭ fota-, videafiksacyi abo inšym prahramna-techničnym sposabam, uklučajučy SMS-paviedamleńnie, što zabiaśpiečvaje supastaŭleńnie sietkavych rekvizitaŭ karystalnikaŭ ź ich piersanalnymi danymi.
Heta praduhledžana pastanovaj Savieta Ministraŭ numar 1191 ad 22 śniežnia 2012 hoda,paviedamlaje karespandent BIEŁTA.
Kankretny sposab identyfikacyi budzie vyznačacca kiraŭnikom punkta kalektyŭnaha karystańnia abo ŭpaŭnavažanaj im asobaj.
Ciapier identyfikacyja karystalnika (a heta abaviazkovaja ŭmova akazańnia pasłuh pieradačy danych) u punktach kalektyŭnaha karystańnia pravodzicca šlacham uliku jaho piersanalnych danych (imia, imia pa baćku, proźviša, vid i numar dakumienta, što daje mahčymaść identyfikavać asobu jaho ŭładalnika, nazva orhana, jaki jaho vydaŭ). Adnak prykładna praź miesiac u naviedvalnikaŭ internet-kafe mohuć pierastać patrabavać dakumienty, što zaśviedčvajuć asobu.
Pry vykarystańni srodkaŭ fota-, videafiksacyi ich raźmiaščeńnie pavinna vybiracca takim čynam, kab fiksavać uvachod (uvachody) u pamiaškańnie, ahulny płan pamiaškańnia z raźmiaščeńniem rabočych miesc, a taksama miesca (miescy) apłaty za akazanyja pasłuhi.
Pry hetym nieabchodna vyklučyć mahčymaść fiksacyi infarmacyi, što adlustravana na ekranie manitora, i infarmacyi, nabirajemaj karystalnikami na ŭstrojstvach uvodu infarmacyi.
Srodki fota- i videafiksacyi źjaŭlajucca elemientam ahulnaj sistemy achovy pamiaškańnia punkta kalektyŭnaha karystańnia. Techničnyja charaktarystyki srodkaŭ fota- i videafiksacyi, miesca ich raźmiaščeńnia i ŭmovy ich vykarystańnia pavinny adpaviadać patrabavańniam techničnych narmatyŭnych pravavych aktaŭ i źmiaščacca ŭ prajektnaj dakumientacyi na sistemu achovy.
Pry akazańni karystalnikam pasłuh pieradačy danych i telematyčnych pasłuh u kampjutarnym kłubie abo internet-kafe i identyfikacyi karystalnika kiraŭnik abo ŭpaŭnavažanaja im asoba zabiaśpiečvaje viadzieńnie, ulik i zachoŭvańnie zafiksavanaj infarmacyi.
Pastanova ŭstupić u siłu praź miesiac paśla jaje aficyjnaha apublikavańnia.
Kamientary