Akcyja 27 lipienia nia budzie masavaj

U aŭtorak zajaŭniki mitynhu‑kancertu na 27 lipienia, 17-yja ŭhodki pryniaćcia Deklaracyi ab dziaržaŭnym suverenitecie, praviali pres‑kanferencyju, kab adčytacca, jak iduć spravy pa padrychtoŭcy akcyi.

Nahadajem, što 5 lipienia Viktar Ivaškievič i Ihar Rynkievič padali ŭ Mienharvykankam zajaŭku ab praviadzieńni mitynhu‑kancertu na Banhałory 27 lipienia, ale adkazu ŭsio jašče niama. Apošnim terminam, kali Mienharvykankam moža adkazać, źjaŭlajecca piatnica.

Ułasna śviatkavańnie 27 lipienia pačniecca a 16:00 la Čyrvonaha kaściołu, dzie z deputatami, jakija 17 hadoŭ tamu pryniali Deklaracyju ab dziaržaŭnym suverenitecie, sustreniecca moładź. Praz hadzinu zaplanavanaje ŭskładańnie kvietak da pomniku Janku Kupału, tam ža adbuducca tradycyjnyja vystupy piśmieńnikaŭ.

Kulminacyjaj adznačeńnia ŭhodak deklaracyi ab dziaržaŭnym suverenitecie stanie mitynh‑kancert na Banhałory, jaki pačniecca a 18:00. Užo dali zhodu na ŭdzieł u kancercie hurty «Krama», «Nejra Dziubel», «Tavaryš Maŭzer», «PLAN», «Partyzanskaja škoła», a taksama Kasia Kamockaja.

Akcyju budzie vieści moładź, jakaja naradziłasia ŭžo paśla 1990 h. Na dumku arhanizataraŭ, heta budzie mienavita ichny pozirk na biełaruskuju niezaležnaść. U akcyi planujuć uziać udzieł šerah niezarehistravanych moładzievych arhanizacyjaŭ «Małady front», «Moładź BNF», «Maładaja Hramada», Leninski kamunistyčny sajuz moładzi i inšyja.

Pradstaŭnik AHP Ihar Šynkaryk taksama nahadaŭ prysutnym, što «Biełaruskaja asacyjacyja maładych palitykaŭ» sioleta budzie ładzić štohadovy futbolny turnir pamiaci Hienadzia Karpienki, u jakim voźmuć udzieł pradstaŭniki palityčnych partyjaŭ, a taksama žurnalisty. 29 lipienia AHP zaplanavała pa krainie raspaŭsiud ulotak z tekstam eŭrapiejskaha pasłańnia.

Advakat Kazulina Ihar Rynkievič, spasłaŭšysia na siaredzinu leta i masavyja adpačynki, sprahnazavaŭ, što akcyja nia budzie masavaj. Jon ličyć, što 27 lipienia na Banhałor pryjdzie kala tysiačy čałaviek. Adnak, nia jahonuju dumku, važnaja nia kolkaść ludziej, a ŭšanavańnie daty. Sam Rynkievič paviedamiŭ, što 27 lipienia dla jaho jašče i asabistaje śviata, bo niekali ŭ hety dzień jon ažaniŭsia. «My pryjdziem z žonkaj na Banhałor adznačać uhodki našaha viasiella», — paviedamiŭ Rynkievič.

Arhanizatary kažuć, što akcyja adbudziecca ŭ lubym vypadku, navat, kali ŭłady nie daduć dazvołu na jaje praviadzieńnie. Praŭda, u takim vypadku daviadziecca abyścisia biez muzyčnaha supravadžeńnia. Ihar Rynkievič skazaŭ: «Kali nam admoviać u dazvole, to nia fakt, što my pojdziem na Banhałor, u naša demakratyčnaje hieta. Budziem razhladać inšyja varyjanty».

Źmicier Pankaviec

Pavialičyć

Fota Andreja Lankieviča

• 0
• 0
• 0
• 0
• 0
• 0
• 0
• 0