Masturbacyja — heta kali čałaviek zdabyvaje seksualnaje zadavalnieńnie sam adzin. Chryścijanstva ananizm asudžała, hruntujučysia na prypavieściach Staroha Zakonu. Doŭhi čas bytavaŭ stereatyp, što «raspusta ruk» viadzie da psichičnych razładaŭ. Jon paŭstaŭ ad taho, što akurat niezdarovyja ludzi časami zdolny zajmacca hetym publična.
Ciapier miedyki adnaznačna traktujuć masturbacyju jak biasškodnuju.Zdajecca, u toj ci inšy pieryjad žyćcia, asabliva ŭ junactvie, jaje praktykuje bolšaść ludziej, a moža być i ŭsie.
Tym nie mienš, hety zaniatak zastajecca «nieprestyžnym».«Zadrot» — słova abraźlivaje. Mužčyny, ad pryrody inicyjatyŭny bok, čaściej pakutujuć ad pačućcia ŭłasnaj niepaŭnavartaści pry hetym.
Sapraŭdy, masturbacyja nie prynosić ani takoj asałody, ani radaści, jak seks udvaich.I ŭ fizijałahičnym, i ŭ duchoŭnym sensie čałavieku patrebny kachany čałaviek. Naša duša patrabuje łaski i praciahu rodu, dziaciej. Tamu razhladajcie masturbacyju jak časovy zamieńnik.
Ale ni ŭ jakim razie nie zahaniajciesia nakont masturbacyi. Darečy, pavodle statystyki, chłopcy masturbujuć čaściej za dziaŭčat, ale darosłyja mužčyny — radziej za žančyn. Tak što z časam my kvity.
1+. Kali b nie masturbacyja, dyk ludzi atrymlivali mieniej asałodaŭ. Niežanatyja mužčyny byli b bolš schilnyja karystacca pasłuhami prastytutak, a heta i brydka, i niebiaśpiečna dla zdaroŭja.
2+. Masturbacyja pryvučvaje čałavieka prysłuchoŭvacca da svajho cieła, vyvučać siabie.
3+. Masturbacyja časam dapamahaje źniać stres, raźniavolicca.
4.+ Masturbacyja spryjaje zachavańniu mužčynskaha zdaroŭja. Jana — pry razumnaj rehularnaści — padtrymlivaje mužčynski miechanizm u zdarovym stanie ŭ časie, kali mužčyna daloka ad svajoj kachanaj. Pry masturbacyi arhanizm mužčyny vyzvalajecca ad mienš žyćciazdolnaha nasieńnia, jakija sastarylisia ŭ nasiennych kanałach, čakajučy svajoj čarhi.
5-. Pieravažna ŭ mužčyn isnuje niebiaśpieka praźmiernaha pryzvyčajvańnia da masturbacyi. U zanadta zvykłych da ananizmu mužčyn źnižajecca psichałahičnaja matyvacyja šlubu.
6-. Zacyklenaść niekatorych padletkaŭ na masturbacyi zabiraje šmat času ad siamiejnych i navučalnych spravaŭ i robić ich adludkami.
Karaciej, usio dobra ŭ mieru i ŭ svoj čas.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary