Prakuror paprasiŭ dla namieśnika mera Minska 15 hadoŭ z kanfiskacyjaj 3

Na fota — Ihar Vasiljeŭ.

Dziaržaŭny abvinavaŭca paprasiŭ u jakaści pakarańnia byłomu namieśniku staršyni Minharvykankama Iharu Vasiljevu 15 hadoŭ kałonii z kanfiskacyjaj majomaści.

8 lutaha čakajecca, što abvinavačany vystupić z apošnim słovam, potym budzie abvieščany prysud, pieradaje Radyjo Svaboda.

***

Sud nad byłym čynoŭnikam pačaŭsia 20 śniežnia. Paśla niekalkich pasiadžeńniaŭ sud vyrašyŭ zrabić praces zakrytym.

Vasiljeva abvinavačvajuć pavodle artykuła Kryminalnaha kodeksa «Atrymańnie chabaru asobaj, jakaja zajmaje adkaznaje stanovišča, u asabliva bujnym pamiery» — za zaklučeńnie inviestycyjnaj damovy pamiž Minskim harvykankamam i subjektam haspadarańnia Čechii.

Vasiljeŭ byŭ zatrymany 6 lipienia 2012 hoda ŭ svaim słužbovym kabiniecie paśla atrymańnia pieršaj častki chabaru ŭ pamiery 250 tysiač dalaraŭ.

Pavodle KDB, čynoŭnik vymahaŭ chabar u pamiery 500 tysiač dalaraŭ u pradstaŭnikoŭ jeŭrapiejskaha pradpryjemstva-inviestara za stanoŭčaje vyrašeńnie pytańnia, źviazanaha z zaklučeńniem inviestdamovy na sumu bolš jak 30 miljonaŭ dalaraŭ.

Hł. taksama:

Sud nad namieśnikam kiraŭnika Minska: «Prajaviŭ słabaść i pahadziŭsia na atrymańnie hrošaj» - repartaž

Ci vykličuć Ładućku ŭ sud nad jaho eks-namieśnikam?

Sud nad Vasiljevym: supracoŭniki KDB i čornyja sumki

Chabaradaŭca Vasiljeva: Ja pieradaŭ chabar namieśniku mera pad kantrolem KDB

Sud na Vasiljevym pieraviali ŭ zakryty režym

Sud nad namieśnikam Ładućki chavajuć ad žurnalistaŭ